Kad je uz imenicu ugradjen jedan ili već atributov, more se imenica izostaviti, ako se more zaključiti iz situacije ili iz konteksta:

Kvartir bi radi imati. Pak veljek tolikimi, a ne znamo, gdo su, ča su i ča hoćedu. IB-P 79

Iz konteksta se vidi, da su mišljeni ljudi.

Dva vozni, jedan je piši prik na Kloštar,/ Prik nagloga briga mučan je i oštar. MMM-J 196

U rečenici je izostavljena imenica put.

Redundantna imenica se more zaključiti i po atributu (ili atributi):

S dvajset petimi se pomalo otcviće, dojde mraz i pofuri lipotu, nagne se trideseto i trideset peto, i eto ti jedna „jungfrauka“ već u selu. FB-NK 20

Nij spomenuta po atributi jasna imenica ljeto.

Imenička zamjenica i atribut